Маңғыстаулық кәсіпкер өз ауылына спорт кешенін салып берді

Отанға деген сүйіспеншілік алдымен туған жерге деген сүйіспеншіліктен басталады. Елбасы Нұрсұлтан Назарбаевтың «Болашаққа бағдар: рухани жаңғыру» мақаласында «Туған жер» бағдарламасын жүзеге асыруға елім деген әр азамат үлес қосуы керектігі айтылған. Осы орайда Маңғыстау облысында көптеген жобалар жүзеге асырылуда. Бюджеттен тыс қаржыға мектеп, балабақша, жолдар жөнделіп, оқу ғимараттарының материалдық-техникалық базасы жаңартылып, кәсіпкерлер жерлестеріне қолдау көрсетуде.

Туған жерге тағзым жасағандардың бірі — Шетпе ауылынан шыққан кәсіпкер. Ол жерлестеріне тамаша тарту жасап, ауылда заман талабына сай спорт кешенін салып берді. Сұңғат Мұңалбаев кешен құрылысына 200 млн. теңгесін жұмсаған. Қуанған ауыл тұрғындары зәулім спорт кешенінің ашылу салтанатына тай-тұяғы қалмай түгел жиналды. Мұнда бір мезгілде 100 адамға дейін жаттыға алады. Спорт кешенінде волейбол, баскетбол мен шағын футбол залдарымен қатар талапқа сай жабық бассейн ашылды. Бокс пен күрес үйірмелері жұмыс істей бастады.

Сабақбай Тілегенов, ҚР құрметті спорт қайраткері: Ауданымыз спорттан кенде емес. Әлем чемпиондары, Азия чемпиондары қасымызда жүр. Енді, біздің биік шыңымыз, Олимпиада чемпионын дайындау. Негізінен спорттың шыңына шығатындардың көбі ауылды жерден шығады. Оның үстіне дәл мынадай заманға сай спорт кешенінінде жаттығып, дайындалатын болса балаларымыздан да үмітіміз зор».

Айта кетейік, Сұңғат Мұңалбаев Маңғыстау облыстық үстел теннисі федерациясының басшысы және шағын футболдан Ақтау қалаылқ чемпионатында бірнеше командаларға қаржылай көмегін беріп отыр.

   Аскар Ағатаев

   фото Серік Мәйемеров

Добавить комментарий

Ваш e-mail не будет опубликован. Обязательные поля помечены *